自從深圳香港通關之後，香港市民北上深圳睇牙成為潮流，因為兩地交通越來越便利，而且深圳牙科服務質素不斷提升，睇牙性價比更高，睇牙時間可以有更多選擇，譬如星期日同節假日，甚至夜診。但系北上睇牙仍存在諸多埋伏嘅風險，已經有好多網友喺網上抱怨北上深圳睇牙中咗埋伏。我哋好牙醫網都收到唔少香港市民嘅諮詢，因此我哋推出北上深圳睇牙避坑提醒文章。

一、警惕低價廣告陷阱

相信好多香港市民都睇到過種植牙一兩千蚊嘅宣傳廣告，但係哩個價錢嘅種植牙是否真係可靠呢？網上已有網友抱怨，去到低價牙科被牙科醫生告知低價種植牙唔適合佢嘅症狀，然後被推銷各類高價種植體品牌，最終預算大大超出咗預期。甚至有啲牙科，雖然幫您低價種植牙，但係植牙醫生係經驗唔夠嘅年輕醫生，甚至可能係助理醫生。有網友反饋，植牙嘅時候，被替換植體材料，換成成本更低嘅植體。因此，一定要警惕低價陷阱，低價牙科一般都會設“低價吸引，高價推銷”嘅埋伏。

二、警惕小型牙科

根據好牙醫網數據顯示，深圳宜家有3000幾間牙科，牙科行業競爭十分激烈，每年都有大量嘅小牙科倒閉，平均超過三年穩定經營嘅小牙科唔超過50%，因此北上深圳睇牙建議一定要選擇多家連鎖嘅大型牙科集團，唔建議選擇單間非連鎖小牙科。譬如種植牙或者箍牙，可能三年之後，植牙或者箍牙出現咗問題，但係牙科已經執咗笠。而且單間非連鎖小牙科，醫療規範可能執行冇咁規範，消毒冇咁嚴格。因此北上深圳睇牙，建議選擇口岸穩定經營五到十年以上嘅大型連鎖多家分院嘅牙科品牌。

三、警惕所謂“公立醫院”牙科

目前深圳內地大型公立三甲醫院基本唔會係網上打廣告嘅，因為屬於政府單位，有財政支持，唔憂客源。通常喺網上宣傳所謂公立醫院牙科嘅，唔一定正規，或者經營不善而出租外包俾私人去打理嘅科室。網上廣告嘅所謂醫院基本上都係私立醫院或外包科室。

四、警惕“莆田系”牙科

喺內地有一類牙科機構，佢哋係由福建莆田人創立或者投資嘅，歸類為“莆田系”牙科，哩類牙科喺內地被所有人警惕，因為佢哋會大量投放廣告，低價吸引市民前來睇牙，然後高價推銷，醫療糾紛多，口碑一直比較差，宜家喺內地被多數人唾棄。

北上深圳睇牙，需要注意避開以上嘅陷阱，建議選擇口岸附近嘅大型多家連鎖牙科，常年穩定經營嘅，睇牙更加有保障。如果想要瞭解深圳睇牙邊啲牙科比較好，歡迎登錄好牙醫網站。